سیرت النبیﷺ کے موضوع پر اردو تقریر : Written Speech On Seerat Un Nabi in Urdu PDF 2 | Urdu Nama Books Library :: اردونامہ کتاب گھر

دوستوں کی خدمت میں سیرت النبیﷺ (Written Speech On Seerat Un Nabi in Urdu PDF) کے موضوع پر لکھی گئی ایک اور تقریر اردونامہ فورم کی جانب سے حاضرِ خدمت ہے۔

اس سے پہلے سیرت النبیﷺ کے موضوع پر ایک اور تقریر اردونامہ کتاب گھر پراجیکٹ کے اس لنک پر موجود ہے۔

سیرت النبیﷺ کے موضوع پر اردو تقریر : Written Speech On Seerat Un Nabi in Urdu PDF

وہ آج شاہ دیں ہے وہ تاج مرسلیں ہے
وہ طیب وامیں ہے اس کی ثناء یہی ہے

وہ انورواکرم، حبیب، یاسین طاحہ، ملجہ و ماوا، سرورکائنات، خاتم المرسلیں، حضرت محمد مصطفٰی ﷺ، وہ ہستی کہ جس کے آنے سے عرب میں نکھار اور بہار آ گئی جہالت کے گھٹاٹوپ اندھیرے ختم ہو گئے امن و سکون کا پیغام عرب سے نکل کر کل کائنات میں پھیل گیا۔

قدم پہ برکتیں، نفس نفس پہ رحمتیں
جہاں جہاں سے وہ شفیع ِ عاصیاں گزر گیا
جہاں نظر نہیں پڑی وہاں ہے رات آج تک
وہیں وہیں سحر ہوئی جہاں جہاں گزر گیا

جن کا لعابِ اطہر بیماروں کے لیے شفا اور اکسیرِاعظم ہے۔جن کے چہرۂ اقدس کا ایک نظارہ مقدرکے تمام ستاروں کو روشن کردیتاہے۔ جن کے لب و لہجے میں پروردگارکی رحمانیت اور رحیمیت کالطف ہے۔ جن کی ایک ایک بات کلمہ صدق اور حقیقت ِ لازوال کی مثال ہے۔جن کی انگلیوں کی خامہ فرسائی پر کاتبِ تقدیر کو رشک آئے اور کون و مکاں دست بستہ ، کان پکڑے عدم سے شہود بننے کے لیے بے چین اور بے قرار کھڑے ہوں۔ اُن کی سیرت کا بیان کسی انسان کے بَس کی بات کیونکر ہوسکتی ہے؟سچ کہا شاعر نے کہ:۔

Also Read پرکیف تقریریں از مولانا حسین احمد قاسمی

لایُمکن الثنائِ کما کان حقہٗ
بعد ازخدا برزگ تُوئی قصہ مختصر

آپ ﷺ کی سیرت نہ کہ صرف عرب بلکہ پوری دنیا کے لئے نمونہ بن گئی اور آپ ﷺ انسان کامل کہلائے آپ ﷺ بچوں، بوڑھوں، عورتوں، جانوروں، قوم درقوم، ملک در ملک، قریہ بہ قریہ، قو بہ قو، جو بہ جو یہاں تک کہ بے جان اور نباتات کے لئے مثال بن کر آئے۔

سورۃ قلم آیت نمبر 2 میں رب کائنات فرماتے ہیں

کہ ہم قلم اور دوات کو اور اسکو جو ان (کے ذریعے) سے لکھا جاتا ہے شہادت کے طور پر پیش کرتے ہوئے کہتے ہیں۔

پھر آیت نمبر 5 میں فرماتا ہے۔

یعنی (اس کے علاوہ ہم یہ بھی قسم کھاتے ہیں) کے تو (محمدﷺ) (اپنی تعلیم اور عمل) میں نہایت اعلیٰ درجہ کے اخلاق پر قائم ہے۔

اس ارشاد ربی کا ثبوت حضور ﷺ کی روزمرہ زندگی سے ملتا ہے آپکے آنے سے عورت کو وہ مقام ملا وہ سایہ رحمت ملا کہ اس کا دنیا میں انسان کے حقوق سے مالامال کیا گیا لڑکیوں کو جو زندگہ درگور کرنے کا رواج تھا اس کا خاتمہ بھی آپﷺ کے اخلاق سے ہوا۔

آپﷺ کی سیرت ہر طبقے کے بچے کے لئے عام تھی جس کی مثال آپ کی زندگی کے بیشمار واقعات دیتے ہیں، چنانچہ ایک مرتبہ آپﷺ عید کی نماز پڑھ کر واپس آ رہے تھے کہ آپﷺ نے ایک بچے کو دیکھا جو مایوسی کی حالت میں بیٹھا تھا، آپﷺ اسے اپنے ساتھ گھر لے کر آئے اس کے ساتھ حسن سلوک کیا اور اس کے سر پہ رحمت و شفقت کا ہاتھ رکھا۔

Also Read ڈونگری سے دبئی (Mafia Queens of Mumbai in Urdu) PDF Book

آپﷺ نے اپنی پوری زندگی میں کبھی بھی کسی غلام یا عورت پر ہاتھ نہیں اٹھایا، یہ آپ کی سیرت کا سایہ ہی تھا کہ جب زید بن حارث کے والدین ان کو لینے آئے تو انہوں نے جانے سے انکار کر دیا۔ اسی طرح ایک مرتبہ ایک حبشی کی آنکھوں پر آپﷺ نے ہاتھ رکھا اس نے کہاں کہ یہ رسول اللہ ﷺ ہیں، آپﷺ کے دریافت کرنے پر اس نے بتایا کہ سوائے آپﷺ کے مجھ سے کوئی بھی اتنی محبت کا اظہار نہیں کرسکتا۔

Written Speech On Seerat Un Nabi in Urdu PDF مزید پڑھنے یا ڈاؤنلوڈ کرنے کے لئے نیچے موجود لنک پر کلک کیجئے۔

سیرت النبیﷺ (Written Speech On Seerat Un Nabi in Urdu PDF) ڈاؤنلوڈ کرنے کے لئے یہاں پر کلک کیجئے۔

Click here to Download Written Speech On Seerat Un Nabi in Urdu PDF